“1-kurs maktabi” doirasidagi tadbirlar axborot-resurs markazining asosiy o‘quv binosidan uzoqda joylashgan fakultetlar qoshida tashkil etilgan tarmoqlarida davom etmoqda. Ana shunday tadbirlar 8 sentyabr kuni Matematika-informatika fakultetida, Fizika va texnologik ta’lim fakultetida tashkil etilgan ARM tarmoqlarida bo‘lib o‘tdi. Tadbirda fakultet tyutorlari, yetakchilar, professor –o‘qituvchilar ishtirok etdi. ARM tarmog‘i xodimlari talabalar uchun yaratilgan sharoitlar, ARM dan foydalanish qoidalari, a’zolik ishlari to‘g‘risida ishtirokchilarga yetarlicha ma’lumotlar berdi.
Shuningdek, shu kuni axborot-resurs markaziga Maktabgacha ta’lim, Jismoniy madaniyat fakulteti hamda barcha yo‘nalishlarda tahsil olayotgan magistratura bosqichi 1-kurs talabalari tashrif buyurib, ARM faoliyati, Internet tarmog‘idan foydalanish, kutubxonaga a’zolik ishlari va o‘quv zallaridagi sharoitlar bilan tanishdi.
