Joriy yilning 1 noyabr kuni universitet axborot-resurs markazida Sirtqi bo‘lim Tarix yo‘nalishi 1 bosqich talabalari bilan “Suhbat-sayohat” tadbirlari doirasida “Yangi adabiyotlar sizlar uchun!” nomli targ‘ibot tadbiri tashkil etildi. Tadbirda mazkur yo‘nalishning professor-o‘qituvchilari hamda ARMning Ijtimoiy-gumanitar fanlarga ixtisoslashgan o‘quv zali xodimlari ishtirok etdi.
Targ‘ibot tadbirida ARM fondiga olingan yangi adabiyotlardan iborat kitoblar ko‘rgazmasi taqdim etildi. Ko‘rgazmaga Yo.Abdullayevning 28 jildlik turli mavzudagi asarlari hamda “O‘zbek tilining izohli lug‘ati” kitobining yangi nashrlari shuningdek yangi avlod o‘quv adabiyotlari qo‘yildi.
Mazkur ko‘rgazmani ARM yetakchi mutaxassisi S.Isroilova qisqacha sharhladi va ARM faoliyati to‘g‘risida umumiy ma’lumotlar berdi.
