Joriy yilning 31 oktyabr kuni universitet axborot-resurs markazida O‘zbek tili va adabiyoti fakulteti hamkorligida “O‘zbek tilining izohli lug‘ati” kitobining yangi nashriga bag‘ishlangan targ‘ibot tadbiri bo‘lib o‘tdi. Tadbir fakultetning “Ijod” klubi hamda axborot-resurs markazining “Qodiriy vorislari” to‘garagi ishtirokida tashkil etildi.
Tadbirda axborot-resurs markazi xodimlari tomonidan tayyorlangan O‘zbek tilining izohli lug‘atlaridan tashkil topgan "Yangi adabiyotlar sizlar uchun!" nomli kitob ko‘rgazmasi ishtirokchilarga taqdim etildi.
Ko‘rgazmada universitet rahbariyati tomonidan sovg‘a qilingan 2023 yilda nashr etilgan 2 jildlik “O‘zbek tili sinonimlarining katta izohli lug‘ati”, 6 jildlik “O‘zbek tilining izohli lug‘ati”, shuningdek F.Musaevaning “O‘zbek xalq so‘zlari”, “O‘zbek tilining o‘quv imlo lug‘ati” kabi kitoblar namoyish etidi.
