Joriy yilning 12 oktyabr kuni axborot-resurs markazining Badiiy adabiyotlar o‘quv zalida universitetning “Izlanish” klubi hamda axborot-resurs markazining “Qodiriy vorislari” to‘garagi hamkorligida 21 oktyabr – O‘zbek tili bayramiga bag‘ishlab, “Mahmud Qoshg‘ariy ijodiy merosining tilimiz rivojida tutgan o‘rni” mavzusida seminar-trening tashkil etildi.
Seminar-treningda Qoshg‘ariyning qomusiy kitoblari taqdimoti va “Turkiy adabiyotlar durdonalari” nomli adabiyotlar ko‘rgazmasi ishtirokchilarga taqdim etildi.
Seminar-treningni tashkilotchi-moderator, “Izlanish” klubi rahbari D.Salimova olib bordi. Tadbirda axborot-resurs markazining “Qodiriy vorislari” to‘garagi rahbari S.Darvisheva, ARM direktor o'rinbosari Bobonazarovalar so‘zga chiqib, Qoshqariy asarlari hamda 100 jildlik “Turkiy adabiyot durdonalari” ko‘rgazmasiga qo‘yilgan asarlar xususida ishtirokchilarga batafsil ma’lumot berdilar.
