Shuningdek, haftalikning 5-kuni Tarix fakulteti qoshida tashkil etilgan axborot-resurs markazi tarmog'ida "Kitobxonlik haftaligi" doirasida Amir Temur tavalludining 687 yilligiga bag‘ishlab “Amir Temur buyuk davlat arbobi” mavzusida tadbir tashkil etildi.
Tadbirni fakultet dekani A.Pardaev kirish so‘zi bilan ochib berdi. O‘zbekiston tarixi kafedrasi mudiri F.Toshboev buyuk davlat arbobi Amir Temurning tarixiy hayot yo‘li to‘g‘risida batafsil ma’lumot berdi. Tadbirda ARM tarmog‘i xodimasi tomonidan tayyorlangan mavzuga doir ko‘rgazma ishtirokchilarga sharhlab berildi.
Shundan so‘ng, fakultet talabalari tomonidan tayyorlangan badiiy chiqishlar va sahna ko‘rinishlari namoyish etildi. Tadbir so‘ngida faol kitobxonlar munosib taqdirlandi.
