Haftalik doirasida O‘zbekiston xalq shoiri Muhammad Yusuf tavalludiga bag‘ishlangan “Shoir yashar qalblarda” mavzusida adabiy-badiiy tadbir o‘tkazildi. Tadbir Ingliz tili o‘qitish metodikasi kafedrasi hamda axborot-resurs markazi hamkorligida tashkil etildi. Tadbir mavzusiga doir adabiyotlar ko‘rgazmasini ARM xodimasi D.Mamatkarimova ishtirokchilarga qisqacha sharhlab berdi.
Kafedra o‘qituvchisi S.G‘iyosova tadbirni ochib, shoirning hayot yo‘liga qisqacha to‘xtaldi. So‘ngra katta o‘qituvchi F.Abdullaeva Muhammad Yusuf she’riyati to‘g‘risida batafsil ma’lumot berdi va she’rlaridan namunalar o‘qidi. Fakultet talabalari D.Inomjonova, M.Mamarasulova, N.Abdurasulovlar shoir she’rlari bilan aytiladigan qo‘shiqlarni ijro etib, ishtirokchilarga ko‘tarinki ruh bag‘ishladi.
