Joriy yilning 9-aprel kuni Jizzax davlat pedagogika universiteti Jismoniy madaniyat fakulteti professor-o‘qituvchilari, tyutorlar, talabalari hamda axborot-resurs markazining “Qodiriy vorislari” to‘garagi bilan hamkorlikda “Amir Temur millat g‘ururi” mavzusida davra suhbati bo‘lib o‘tdi. Davra suhbatida so‘z olganlar yirik markazlashgan davlat asoschisi, buyuk sarkarda Amir Temurning bunyodkorlik faoliyati, ilm-fan va madaniyat homiysi sifatida amalga oshirgan ishlari, butun hayoti davomida adolat tamoyillariga qat’iy amal qilganligi, “Temur tuzuklari” bugun ham ahamiyatini yo‘qotmay davlat boshqaruvi sohasida amaliy qo‘llanma bo‘lib kelayotganligi, mustaqillik sharofati bilangina buyuk ajdodlarimiz nomlarini faxr bilan tilga olish va ularning ma’naviy merosini o‘rganish imkoniyatiga ega bo‘linganligi xususida so‘zladilar, yoshlarni puxta bilim olib buyuk ajdodlarimizga munosib voris bo‘lishga chorladilar. Tadbirda Amir Temur hayotiga nazar tashlandi, o'gitlaridan yod olindi, ARM xodimlari tomonidan " Amir Temur g‘ururimiz” mavzusidagi kitoblar ko‘rgazmasi bo'yicha batafsil maʼlumot berildi. Tadbir samimiy muloqot tarzida, savol-javoblar bilan o‘tdi.
