9-fevral - turkiy tilda so‘zlashuvchi barcha xalqlarning til bo‘yicha mudarrisi, buyuk bobomiz Alisher Navoiy tavallud topgan kun! Alisher Navoiy turkiy va forsiy tillarda g’azallar bitgan. Uning nazmiy asarlari 120 ming baytdan ortiq. “Xamsa” esa shoirning shoh asaridir. “Xazoyin ul-maoniy” (Ma’nolar xazinasi) devoni qariyib 45 ming misradan iborat.
Alisher Navoiy o‘zining boy ma’naviy merosi, shoh asarlari, nodir devonlari, betakror g‘azal va dostonlari bilan bashariyat tamadduni va adabiyotiga beqiyos hissa qo‘shgan.
Shu munosabati bilan joriy yilning 9 fevral kuni Jizzax davlat pedagogika universiteti axborot-resurs markazi o`quv zalida O’zbek tili va adabiyoti fakulteti “Marvarid” to`garagi, ARM “Qodiriy vorislari” kitobxonlar to`garagi a`zolari hamda Universitet qoshidagi Sayiljoyi akademik litseyi talabalari bilan hamkorlikda “Alisher Navoiyning ma`naviy merosi” nomli davra suxbati o‘tkazildi.
