O‘zbek xalq dostonchiligida “G‘o‘ro‘g‘li” turkumi katta o‘rin tutadi. Ularda xalq tarixi, taqdiri, o‘tmishdagi hayoti, ijtimoiy-siyosiy, iqtisodiy, diniy, axloqiy-ma’naviy hamda badiiy estetik qarashlari o‘ziga xos tarzda aks etgan. O‘zbek tili va adabiyoti tyutorlari tomonidan “Kitobsevar millat" doirasida tashkil etilgan tadbirda ana shu haqida so‘z bordi. Tadbirda so‘zga chiqqanlar "Go‘ro‘g‘li” dostoni, dostonining yoshlar ma’naviyatida tutgan o‘rni haqida ma’ruza qilishdi. Tadbirda ARM xodimlari tomonidan Xalq og‘zaki ijodi durdonalaridan adabiyotlar ko‘rgazmasi tashkil etildi. Talabalarning mavzu bo‘yicha chiqishlari, sahna ko‘rinishi barchaga manzur bo‘ldi. Haftalik yakunida kitobxonlik tadbirlarida faol ishtirok etgan talabalar ARM ma`muriyati tomonidan munosib taqdirlandi.
