27-yanvar kuni universitet tasarrufidagi 2- sonli Politexnikumi o'qituvchisi, "Raqamli axborotlarni qayta ishlash ustasi kasbi" 1-kurs 7-24 guruh o'quvchilari ARM hamda Innovatsion axborot xizmatlari o'quv zali ish faoliyati bilan yaqindan tanishish maqsadida tashrif buyurdi.
Talabalarga yangi zamonaviy Innovatsion axborot xizmatlari o’quv zali ish faoliyati, kitob fondlari, ARMdan foydalanish qoidalari, fondlari va a’zolik, masofaviy xizmat ko‘rsatish bo‘yicha hamda ARMda faoliyat yuritayotgan "Qodiriy vorislari" kitobxonlar to‘garagi haqida , ARMda 24/7 rejimida xizmat ko‘rsatish tizimi yo‘lga qo‘yilganligi, foydalanuvchilarga barcha qulayliklar yaratilganligi haqida ma’lumotlar berildi. Oliy taʼlim, fan va innovatsiyalar vazirligining 2025-yil 14-yanvardagi 01/15-87-sonli xatining ijrosi yuzasidan "Kitobsever millat" umummilliy g'oyasini ro'yobga chiqarish, yoshlar o'rtasida kitobxonlik madaniyatini shakllantirish va ularni kitobxonlikka keng jalb qilish maqsadida ARM tashkil etilgan "Kitobsever millat" umummilliy g'oyasi - amalda nomli kitoblar ko'rgazmasi targ'ibot qilindi.
Jizzax davlat pedagogika universiteti tashkil topganligining 50 yilligi munosabati bilan "INVEST BOOK" nashriyotida nashr etilgan kitob-albom talabalarga tanishtirildi.
