“Bobur shoh va shoir” – ma’naviyat va san’at uyg‘unligidagi tadbir o‘tkazildi

Jizzax davlat pedagogika universiteti Axborot-resurs markazi hamda Maktabgacha va boshlangʻich taʼlim fakulteti Musiqiy ta’lim kafedrasi hamkorligida Zahiriddin Muhammad Bobur tavalludining 543-yilligi munosabati bilan “Bobur shoh va shoir” mavzusida ma’naviy-ma’rifiy tadbir tashkil etildi.Tadbir davomida ishtirokchilarga Zahiriddin Muhammad Boburning hayoti va boy adabiy merosi haqida atroflicha ma’lumot berildi. Musiqiy ta’lim yo‘nalishi talabalari o‘rtasida g‘azalxonlik kechasi o‘tkazilib, Bobur g‘azallari ifodali tarzda ijro etildi.

Shuningdek, “Ajdodlarimiz merosi – ma’naviyatimiz sarchashmasi” mavzusida adabiyotlar ko‘rgazmasi tashkil qilinib, Bobur ijodiga oid kitoblar va manbalar namoyish etildi.

Tadbirning badiiy qismida “Vatan sog‘inchi” sahna ko‘rinishi namoyish etildi hamda Bobur ijodiga mansub kuy va qo‘shiqlar ijro qilinib, ma’naviy muhit yanada yuksak ruhda yakunlandi.